林敏驄要用陰力打電競 讚伍詠薇遠睇冇得頂

由林敏驄、伍詠薇、柯煒林(Will)、陳穎欣(Yanny)、吳肇軒、羅莽、馮素波、慮慧敏(Amy Lo)、陳毅燊(Ansonbean)、羅浩銘、陳苡臻(Jessica Chan)合演的勵志電影《觸電》，今日舉行開鏡儀式，林敏驄和伍詠薇在戲中合演前夫前妻，阿驄貫徹臨場亂噏的本色，談到兩人合作感受時，驄哥笑言要彈開，又話對伍姑娘敬而遠之，笑指她遠睇時靚到冇頂，又臨場爆肚以泰文翻譯，搞到伍姑娘一臉無奈。

問到玩電競的經驗時，阿驄笑指伍姑娘用陰力玩電競，又大爆她經常「焗蟹」忍唔住笑，問到會再跟對方合作嗎？她笑言要立志入林敏聰小學打佢。