Ad Block Ad Block
娛樂
2022-11-18 11:00:14

林盛斌Bob被冒認兜售LV產品 嘲笑騙徒唔係做老千嘅材料

分享:

林盛斌

43歲嘅林盛斌(Bob)除咗係金牌司儀及主持之外,早前憑台慶劇《美麗戰場》飾演「徐富貴」一角人氣急升,另外佢仲投資娛樂公司、便利店、NFT等等,真係百足咁多爪呀!不過近日竟然有騙徒借助Bob嘅知名度去呃人,而Bob得知事件後亦有喺社交網站向網民澄清,並嘲笑騙徒根本唔適合做老千。

「邊X個Bob呀?

Bob喺社交網站上載一張訊息截圖,騙徒以「Bob藝人公司」作招徠,仲話團隊同緊高級品牌LV合作,可以購買新季度嘅新品,不過就要先付款,聲稱喺5-10分鐘「同時退返商品金額同5%嘅人工」,Bob留言話:「多謝一位網友嘅PM報告呢件事俾我知。其實平時Facebook同IG用咗我嘅頭像,然後扮係我去留言𢱑水吹呃人嗰啲都算,因為有少少常識嘅都知道嗰啲係假account,所以絕大部份都係唔會上當,而我亦都會叫大家快啲去舉報佢!原來最近佢哋已經低B到呢個程度,寫埋呢啲應該連我個細仔都知道係呃人嘅訊息。呢位老千,不如你真係正正經經搵份工啦,恕我直言,你絕對唔係做老千嘅材料,首先我係非常多謝同埋感恩你咁睇得起我,但係出面咁多勁嘅明星名人個名你唔用,你竟然用「Bob」?仲要中文名都唔寫?會唔會真係太睇得起我呀大佬?如果人哋一句:「邊X個Bob呀?」你話成件事幾尷尬呢?你有冇認真諗過㗎?所以,我衷心希望你好好檢討吓自己。各位,而家外面市道可能真係唔係幾好,好多呢啲壞人出嚟搵食,大家一定要小心。」

林盛斌

林盛斌

林盛斌IG

林盛斌

林盛斌

林盛斌IG

林盛斌

林盛斌

林盛斌IG

林盛斌

林盛斌

林盛斌IG

林盛斌

林盛斌

林盛斌IG

林盛斌

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受