梅啟明在街上開記招展示法庭文件，惟內容與控告電影公司無關。
已故天后梅艷芳母親梅覃美金昨日登報，宣布與梅啟明脫離母子關係，梅啟明今日舉行記招，反指梅媽收了別人錢，因而受到擺布，但當被問到有否實質證據時，他卻交不出來，在再三追問下，才指梅媽收錢是自己估計的。
梅啟明指今次開記招是「代母澄清」，他指梅媽「眼有矇、耳又聾」，是受人唆擺。他又指是梅媽著他去控告電影公司，到他入稟法院之後，梅媽才著他撤銷。他說︰「佢如果唔係受咗人哋利益，佢就唔使驚打官司，就算告上法庭都係我嘅問題，同佢冇關㗎。」他續指04年已註冊「梅艷芳」這個商標，他會堅持控告電影公司，要求電影公司與他和談，「就算一蚊都好，電影公司都要出嚟交代。」
梅啟明印製了多份聲明，多次指梅媽是受人唆擺。
曾問梅媽借錢打官司被拒
問到梅啟明何來金錢打官司，他指「窮有窮嘅打法」，並拿出法庭文件，指自己遇上「租霸」，導致經濟損失，並稱獲法院判可獲幾十萬元，現該案件仍正在進行訴訟。他透露曾問梅媽借錢打官司被拒，於是問別人借錢。再問到梅媽身在何方，他指對方現身處醫院，身體沒大礙，只是在逃避，並再指梅媽受人唆擺。當被問到梅媽收錢是否純屬個人揣測，梅啟明說︰「揣測還揣測，事實都有一部份。如果佢冇收咗人錢，佢點解會叫我唔好告？」
梅媽收25萬只分到2萬
至於為何梅媽著他不要提告，梅啟明表示︰「我有問，佢冇答。唔係我註冊個商標做咩？(點解你唔聽佢講？) 我梗係唔聽啦！人係要正直，無理由你唔啱我都要跟你行。阿媽又點啫！阿媽生我係另一回事！」提到梅媽已幫他多年，甚至資助他的生活費，梅啟明說︰「幫咩我好多年呀！我一啲都唔感恩！你哋知唔知佢收幾多錢一個月？25萬呀！我只攞2萬蚊！」
梅啟明自言從不貪財，「我貪財，我就一早貪咗啦！個個月貪佢一兩萬蚊，係咪咁講呀！仲話要養我一家大細，你估我真係殘廢㗎！我喺出面做過好多份工，做過地盤，裝修、廚房，做到褲都濕埋，而我一路都做緊，係散工嚟嘅。」他又指梅媽拿廿萬，每月只給他2萬元不夠用，並聲稱全用來供養仔女。
對梅媽幫他多年，梅啟明表示不會感恩。
否認包二奶 只是女友
對於被指包二奶，梅啟明反指記者太敏感，並指那人是女朋友，更謂「女朋友個個都有」，就算老婆要離婚也沒所謂。他說︰「人哋係幫緊我，因為我唔夠開支，我唔係包二奶，講真我有咩本事包啫。」由於梅啟明做訪問期間不停咳嗽，但拒絕透露病情，只謂自己寧願死，「我想死，死嘅原因係證明俾阿媽睇，我係無錯！就算九十幾歲都咁話！(想與梅媽修補關係嗎？)我冇所謂！」
梅啟明展示法庭文件，在另一單案件獲得賠償。