賀歲檔鬼片《糖街製片廠》，劇組特別邀請荷李活級數的特技化妝師上妝，每次都需要數小時準備，飾演女鬼的楊柳青說：「其實我都不停嚇到工作人員，有時在片場角落休息時，就會聽到粗口，原來佢地突然見到我嚇咗一跳，要爆粗壓驚！咁我就知道呢個妝好成功，觀眾會睇得好過癮。」
同樣飾演「鬼」的岑珈其，就說上妝後不敢照鏡，怕被造型嚇親：「好在都冇咩古靈精怪野發生，大家都會拜神嘅！上妝之後我會好唔方便，大家都會照顧我，餵我飲水、食嘢咁！其實呢個角色係悲劇人物，對我嚟講係一個挑戰，加上第一次試特技化妝，所以拍得好興奮。」