楊梓菁今日（27日）出席健康療癒工作室新店開幕活動，分享榮升新店老闆娘的喜悅。（娛樂組攝）
楊梓菁今日（27日）出席「EL SOL」健康療癒工作室新店開幕活動。對於榮升新店老闆娘，楊梓菁接受訪問興奮表示：「其實都籌備咗九個幾月。投資咗七位數字，其實都超出咗預算，但其實都好值得嘅，因為我哋揀嘅嘢都好靚。」
楊梓菁的可愛兒子也有到現場。（娛樂組攝）
親揭甲狀腺眼病仍未康復
被問到身體出現免疫系統問題，楊梓菁說：「之前身體有啲問題，免疫系統嘅問題令到甲狀腺眼病，其實都唔開心咗一輪嘅，一隻眼睛凸咗出嚟，其實今日都有少少，但係我都好勇敢去見咁多人，本身都有少少壓力，要好努力咁照顧身體。」她繼續指現階段已經康復七成，並表示：「年底先會再知道最新康復進度，但係會好返嘅。」她直認自己有容貌焦慮的問題，並表示：「見人哋望多兩眼，都會覺得自己係咪好醜樣，會迴避人哋眼神同埋戴眼鏡。」
自爆唔肯接劇原因
講到有否考慮再拍劇，她坦言：「其實我係好期待拍劇或者拍電影，我最近都推咗三套劇同埋一個廣告，因為始終我眼睛嘅情況，都唔想麻煩大家要做後期。」講到是否有收到TVB邀請拍劇，她說：「有唔同嘅電視台同埋唔同嘅頻道搵我合作，其實現階段都冇話固定邊一個電視台。」提及最近有否關心梅小青最近完成了切除子宮手術，她說：「有關心啊！前幾日先一齊食完飯，不過佢已經康復，已經好好啦！都好精靈，所以都好開心，做咗咁大個手術都依然可以去旅行。」
立即更新/下載AM730手機APP 體驗升級功能
