欣宜出動巴士宣傳，為三場紅館騷造勢。
歌手鄭欣宜（Joyce）狀態大勇，今年宣布舉行紅館演唱會即掀起撲飛熱，她鐵定6月10至12日假紅館舉行一連三場《Between Us 鄭欣宜演唱會2022》，早前有指定信用卡優先訂購已在三小時內火速售罄，而門票昨日早上於城市售票網正式開賣，今日早上其所屬的寰亞唱片已宣布門票已經賣清，Joyce亦透過IG限時動態轉貼消息，並自拍影片，形容好似發夢一樣。
為了宣傳是次紅館騷，唱片公司為Joyce在港九各地揼本宣傳，包括在巴士落車身廣告，而37架「欣宜巴士」已在本周二起於各區行駛，遊走香港街道四個星期，原定為門票開售宣傳造勢，結果第一天開賣就火速賣清，Joyce笑言由推銷變慶祝售罄。Joyce本尊昨日到九巴的九龍灣車廠跟自己的宣傳巴士合照，更歡迎歌迷見到就拍照及打卡。
尚餘三個星期開騷，Joyce坦言排舞令她遍體瘀痕，笑說：「周身瘀晒，冇乜掂到嘅位置都瘀，大髀、膝頭、手指，就連Hip位都瘀咗。可能太瘦，骨杉杉撞到都唔知，哈哈哈！我知大家反應咁好，咁支持我，所以更投入忘我綵排，喺台上做到最好，答謝買飛入場嘅Fans。」
