江若琳囝囝滿兩個月 撰文感謝陪月姨姨

江若琳（Elanne）與老公蕭唯展（Oscar）今年6月誕下兒子蕭立鈞（Owen），江若琳不時在IG分享親子日常，趁Owen已經兩個月大，近日她出Post指陪月姨姨已功成身退，並發長文感謝對方兩個月來的照顧：「我家小子兩個月大啦，亦係陪月姨姨娟姨功成身退嘅日子啦，我每次諗起佢要走我都會好唔捨得，首先要好多謝我兩個好朋友好介紹，原來一個好嘅陪月姨姨真係可遇不可求。」Elanne自言坐月坐得好、食得好，每日三餐似足餐廳質素，不同湯水正到暈！她又表示：「雖然產後我會有幾日唔知做咩情緒低落，佢會即刻喺食材上俾啲平和安神嘅湯水我飲，又會同我傾心事。呢兩個月佢教識我好多湊BB嘅心得，對於新手爸媽嚟講太重要。」

江若琳感謝陪月姨姨照顧到Owen肥肥白白，最難湊的日子有對方幫代勞9成時間，大讚陪月姨姨好專業兼好有魄力，雖然很不捨得對方的離開，但她自言會努力適應，迎接未來的大挑戰。