江若琳撇甩半歲兒子與老公快閃去旅行。
江若琳（Elanne）今年6月為老公蕭唯展（Oscar）誕下兒子立鈞（Owen），其後Elanne專心湊仔，事事親力親為。轉眼間Owen 已經半歲大，適逢Elanne早前宣布完成「人奶之路」，於是決定撇甩囝囝，與老公放假幾天快閃去旅行。
Elanne今早在社交網上載與Oscar及友人身在機場等上機的照片，相中見她已經完全回復未生前的狀態，並寫道︰「我終於俾自己放幾日假啦！呢個假期係坐月開始已經計劃定，就係bb包差不多半歲時俾自己快閃一轉！做咗媽咪依家去旅行嘅心態大不同！一出門口開始就睇cam，不停問住姐姐佢做緊咩！好掛住屋企三隻仔，但呢個假期我同自己講！我要盡情玩樂﹗盡情瞓覺，每日瘋狂按摩！最重要係瘋狂飲咖啡！闊別一年多，我終於飲到第一啖咖啡，好爽呀﹗我值得擁有一個短假。」而Oscar亦有貼相表示：「佢（江若琳）終於肯去旅行」網民都紛紛留言叫Elanne：「好好享受」、「適當時候要放鬆一下」，而Elanne亦有回覆余香凝的留言表示：「返來再作戰」。
