洪卓立新MV集合一眾KOL 屎萊姆碌盡人情卡

早前洪卓立推出的《獻醜》最近搞搞新意思，找來網絡紅人屎萊姆整了一個合唱版，而屎萊姆更瞓身為洪卓立炮製《獻醜》合唱版MV，劇本、拍攝、主演、剪接皆瞓身參與，平時他多會介紹好玩新奇玩意，估不到今次的MV走情深認真路線，拍攝過程仲非常熱血！

由於今次MV牽涉3條故事線，動用的人力物力都非常多，還要一拍就拍了30小時。屎萊姆亦碌晒人情卡，找來一眾KOL朋友客串，連阿Ken都話:「首先要講我無諗過短時間內可以集齊到咁多人，今次佢哋確是好用心。我想特別讚史萊姆佢地好專業，打燈、器材運用上無一馬虎，睇得出有幾認真。仲有頭先早到探班，撞正要打風，不過大家仍然不辭勞苦繼續拍，呢種熱血又係好感染人！」

當中最具話題必數屎萊姆及電兢界女神Rose Ma，全因扮演情侶的二人有略顯親密的戲份，網民似乎好興奮，不停留言追問已婚的史萊姆有冇問準太太，有冇報定案等等。史萊姆分享到：「無諗過同Rose Ma合作起來原來咁⋯⋯唔尷尬，可能因為太熟、太專注拍攝啦！係唯獨有一幕要大家擺到個頭好近，差啲撞，個下應該嚇到心跳最快。」