Hillary出席《試當真白金像獎》頒獎禮。(娛樂組攝)
游學修、許賢和蘇致豪創辦的YouTube頻道「試當真」，昨晚(6日)中秋節於黃埔舉行《試當真白金像獎》頒獎禮，岑珈其和劉沛蘅(Hillary)出席紅地氈和典禮。岑珈其直言對試當真停運感不捨，「我相信所謂嘅完結，可能係另一個開始，永遠唔會知，他朝一日，東山再起，但相信試當真精神永遠不會完結。」他認為大家稍作休息沉澱休息，才作下一步計劃。
岑珈其要做斯文爸爸
曾參與《墨魚遊戲》的Hillary笑言「試當真」的珈其與《膠戰》的珈其大不同，「佢喺試當真粗俗好多，一樣咁百厭，但可能《膠戰》有小朋友睇，就收斂啲。」珈其起初辯說自己很斯文，及後認真表示，「因應平台需要，不過做咗爸爸要斯文啲，始終個仔有機會睇，雖然節目效果，但都有需要教佢哋，(粗口)可免則免。」
兒子睇節目告狀
珈其大爆囝囝經常看他的網上或電視節目，有時搞不清爸爸為何電視裡的爸爸會坐在家裡，「佢會問：『爸爸快啲返嚟啦！』我話我喺佢隔離。」他自言有家絕不會爆粗，但笑言太太經常要家長指引，幸好兒子乖巧聽話，有時更反過來告狀，「佢會同我老婆講，爸爸又講(粗俗)喇！」Hillary表示暫仍未有機會見珈其剛出生的幼子，但會約齊4膠一起拜訪。
曾為《膠戰S4》批評不開心
談到有網民指5膠在《膠戰S4》過份遷就Hillary，她坦言，「有少少唔開心，但觀眾睇到的，都係節目呈現嘅我哋，私底下有搵阿正傾偈，佢都好安慰到我。最緊要我哋6個感情好好，唔會受留言影響。」至於珈其扮受傷，嚇得Hillary哭出來，她直認易哭，「同佢哋相處得太耐，好容易表達我嘅脆弱，但我係有原因地喊。」
安慰前男友洪卓立
談到前男友洪卓立(Ken)與湯怡共同養的狗「肥膏」離世，Hillary表示有看牠最後一面，「傷心就一定有，我屋企兩隻狗年紀都大，始終都要面對，我都有安慰佢，我哋一齊去見最後一面。」對於有網民以粗口留言指抵死，令Ken激動回應，Hillary認為不需太認真對待網民落井下石的的留言，好好處理「肥膏」的身後事。至於會否看Ken的演唱會，她表示視乎時間。
ADVERTISEMENT
