2021-01-24 22:38:00

獲許廷鏗指點張惠雅紅日補牙成功

張惠雅(Regen)日前因為飲了幾杯酒後踩單車，結果炒車仆崩門牙，但Regen表示「諗諗下有口罩又唔駛拍嘢」，打算遲一點才去補牙。之後她亦自得其樂，與好友及鄰居開心過周末，更透露遭鄰居恥笑她的崩牙樣子。

其後，Regen上載她已修補牙齒的照片，為何她又急急趕住修補呢？她說︰「話說原本都係想過埋今日整多日蛋餅先再出去整牙，好多朋友好好介紹唔同嘅牙醫比我，不過好多星期日都唔開，咁我就放棄啦，好好咁比我班朋友尋日黎長洲望住我笑足一日，佢地都好珍惜我呢個樣，因為補返就唔會再見到，仲唱埋漏風版聽風，然後食食下飯見到許醫生嘅留言，好感動，有一個專業嘅牙醫可以即刻話我知個情況係點，當我聽到一個專業人士口中講可能會感染，我真係驚喇，然後就麻煩許醫生幫我預約今日有開門嘅診所，好專業，真係，佢好錯愕我仲未去整牙但係整咗一日蛋餅，挑戰牙醫嘅底線，真係好專業。」