2025-07-06 22:38:13

盧瀚霆5,000神徒生日會自言30歲愈來愈man

盧瀚霆(Anson Lo)生日，今晚(6日)於亞博舉行《Together We Celebrate》生日會，吸引5,000神徒參加。活動於7時開始，一眾神徒在下午已排隊等入場。生日會由Anson Lo好友娟姐(練美娟)擔任主持，Anson Lo現身時全場尖叫。

Anson Lo與神徒先玩遊戲熱身，之後坐粉紅花車繞場唱歌！大會推出生日蛋糕，5,000位神徒合唱生日歌，Anson Lo感動說：「估唔到今年可以咁大規模，你成日聽人講29+1，其實可以直接講30，我係唔介意嘅。係呀，我今年30歲啦，除咗愈嚟愈man，都係一個轉捩點，一啲以往嘅遺憾、挫敗都擺埋一邊，要勇往直前先。除咗照顧屋企人，仲有照顧每一位神徒，想大家每日都開心。」

手術後感激陪伴

Anson Lo表示，見到好多神徒真係超開心，他們帶給自己好多力量。至於正日生日就要去做school tour，公司幫自己留起夜晚時間同屋企人一齊慶祝。他亦提到早前的手術。「今次手術要好多謝屋企人照顧，我要留院幾日，屋企人每日都嚟探我，除咗煮嘢食俾我，仲陪我好長時間，助手仲留低陪足我幾日。」

說到日前與陳奕迅(Eason)一齊表演，Anson Lo說：「好開心可以同Eason同台，仲可以企佢隔籬唱歌跳舞，好似完成咗一個願望咁。Eason前輩係超級熱情，一日之內見足我哋幾次，每次佢都會同我哋全隊逐個人擊掌。喺彩排時，我已經感受到前輩對音樂嘅熱誠，不停俾意見精益求精！」他更自爆MIRROR全員好興奮，在後台逐一同Eason影相，更透露Jer是最興奮一個，回到後台都未能冷靜。