破毒強人︱蕭正楠自爆發哥讚他演得型 郭柏妍恨拍前傳

蕭正楠、張曦雯、張寶兒、郭柏妍、馬貫東及監製羅永賢等，今日出席《破毒強人》宣傳活動。《破》劇跨平台直播收視最高達28點，成為港劇收視之冠，郭柏妍、蕭正楠均希望《破》劇開拍續集，但監製羅永賢則稱拍續集有難道。

蕭正楠指，《破》劇算是排除萬難拍攝而成，他說：「齣劇响疫情期間拍攝，拍下停下，用咗6個月時間先拍完，有好績當然開心。」蕭正楠指，已約定台幕後搞慶功宴，問他會否出最大份錢，他稱：「出晒都仲得呀，當慰勞吓大家，不過同主要演員及監製傾咗，會夾錢同一班工人員開心一下。」他又爆料指在黃日華的生日飯局上遇到周潤發發哥，「發哥都讚《破毒強人》，仲我話演得好有型。」

11月預產期 張寶兒唔敢接job

蕭正楠又問監製，收視理想會否開續集，羅永賢說：「主角唔係死就坐監，好難開續集，反而有諗過拍前傳，或者原班人馬發展《強人》系列。」問郭柏妍如果拍續集她會否歸隊，她說：「我當然好想啦，不過暫時未收到通知，會唔會冇我份冇份，一陣問問監製同導演先。」懷孕7個多月的張寶兒，則稱11月預產期，因此不能演續集，「預產期係11月，應該自然分娩，所以未必拍到，不過劇收視去到30點，即刻公布BB性別。」