譚耀文昨日（2日）出席 TVB選秀節目《聲秀決賽終極聲戰》。（蘇文傑攝）
譚耀文昨日（2日）出席 TVB選秀節目《聲秀決賽終極聲戰》，他接受訪問回應布子殷8強前被Foul出局，他直言：「咁即係證明佢票數都好高，其實我冇好仔細咁樣睇票數係幾多點樣？我睇到有好多人戥佢唔抵。我覺得自己當年係1988年參加比賽都幾有運，我第一個出場嘅都攞到冠軍。」譚耀文續說布子殷每一集也有突破。他亦預告會邀請學員出席他即將舉行的演唱會。
譚耀文指布子殷每一集也有突破。
拒絕透露個唱嘉賓
被問到即將舉行的演唱會，現階段的彩排進度，譚耀文說：「我已經排緊舞，準備好最完美嘅歌單，我都諗緊女兒會唔會參與其中一個部份，因為佢都係彈大提琴，最緊要睇佢能力可唔可以應付。」談及鄭秀文拍片力撐開騷，他回應：「我好多謝佢，幾十年有好多朋友拍戲唱歌合作過，鄭秀文真係好多年冇見，佢打氣我特別感動。郭富城做緊巡迴演唱會都幫我拍咗條打氣嘅片段，我好想多謝佢哋！」至於會否邀請鄭秀文和郭富城擔任演唱會嘉賓，他說：「主辦方有佢哋嘅諗法，希望佢哋可以嚟到嘅都嚟！」
