肥仔成就解鎖任黎明個唱舞蹈總監。
黎明一連十場的《Leon黎明紅館演唱會2023》昨晚（23日）已經順利完成，掀起了不少觀眾的集體回憶，而黎明更貫徹勁歌「伴」舞的作風，坐低唱快歌，但整個場面是零違和感，全場樂迷更興奮，！ERROR成員肥仔（梁業）是今次個唱的舞蹈總監之一，今日(24日)他在社交平台貼文分享感受，更表示「成就解鎖」。
肥仔上載了他和一眾dancers與黎明在後台的合照，並興奮分享感受表示：「Leon 黎明紅館演唱會 2023 10場Done ，完全估唔到黎生會搵我排舞，亦都係我人生中其中一個成就解鎖，成個show 真心好好睇，燈光舞台設計一流，好幸運可以參與到」他更hashtag寫道：「#我愛黎明 #希望黎明愛我 #有人話我似黎明」原來當年肥仔參加《全民造星》時曾自爆被指似黎明，他貼出當年比賽的短片，並搞笑謂：「有人話我似黎明，唔知點解」就連擔任評判的花姐都笑到彎晒腰。
