林雪跟符家浚「父子」團圓。 (陳奕釗攝)
郭富城、林家棟、任賢齊主演的2024賀歲片《臨時劫案》，演員陣容還有林雪、ANSONBEAN、曾比特、王頌茵(Kathy仔)、孫佳君、張松枝、符家浚等，眾星齊到將軍澳靚次伯紀念中學出席財神送庫記者會。
是次財神送庫記者會，符家浚扮成財神到場，他曾在電影《殺出個黃昏》中飾演林雪青年版，今日兩人難得同場，即孖住接受訪問。
符家浚今次拍住多位前輩出席活動，他將自己比喻成一嚿海綿，盡量吸收。林雪跟符家浚「父子」團圓，兩人受訪可謂喜感十足，符家浚更嗌林雪做「契爺」，雪雪自稱符家浚一點也不似年輕時的自己，雪雪表示當年好Fit有肌肉，更抵死地稱：「我fit過Aaron(郭富城)，我有八嚿佢得六嚿，仲有下面嗰兩嚿，未數應該十嚿。」雪雪又叫「囝囝」跟他多些機會開工培養「屎(喜)」感，無厘頭得爆笑全場，之後林雪還唱住《誰可相依》與符家浚拖手離場。
林雪自言年輕時Fit過城城。 (陳奕釗攝)