2025-08-04 22:21:29

與林盛斌同一騙徒 Ronny@MR.惡形惡相都被睇中拍老人院廣告

林盛斌在社交平台分享自己受騙的經過，並出示騙徒的卡片。對方訛稱是老人院話事人「李生」。沒料到這位「李生」，竟然亦找過MR.成員黎澤恩(Ronny)洽談做老人院代言人，Ronny貼出自己最近四個奸角的劇照，笑謂︰「究竟我呢個深入民心嘅反派形象點樣可以代言一個安老院？即係sell啲孝子孝孫『嗱我哋安老院個代言人咁兇應該冇人敢入嚟偷生果啦啩？』、『我哋安老院門口放呢四個人張相驅邪驅鬼保平安啊！』咁呀？」

Ronny上載「李生」跟其經理人的對話截圖，對方出示的卡片及資料跟Bob的一模一樣。Ronny說︰「前排我經理人Anna收到呢一個工作邀請，想我代言一個安老院，仲要幾好pay，我哋聽到之後當堂嚇一跳，然後得啖笑，但係都好想知道究竟搞邊科。」

他亦不忘以《刑偵12》的第三人格身份留言說︰「呢單大生意，我諗要搵我嘅其餘兩個人格，刑凱同埋阿賢商量吓點樣部署，或者睇吓祖哥有冇興趣？最理想嘅要搵埋 Man姐同埋SNK跟下呢單嘢，睇吓後邊係咪有啲乜嘢水喉，再搵埋佳導睇吓呢單嘢有冇得整個故事『安老英雄』or 『安老女王』咁。再唔係捉埋鄧安出嚟，反正佢都係瞓喺醫院之嘛，我哋四個傾一傾睇吓點部署，啲錢最多我分大份。」

Ronny的經理人Anna表示Ronny自從《刑偵12》飾演的第三人格Sunny之後，fans增加不少，亦帶挈他多了不少工作。對入行17年的Ronny來說，2025年是他的豐收年，但同時亦引來不少騙徒向他們打注意。她指自《刑偵12》播出之後，收到不少工作邀約，但今次「李生」的邀約令他們很快起疑。Anna說︰「因為鍾澍佳導演講過，覺得Ronny扮賊王係最似，衰仔角色好啱佢，加上佢係夾band，又點會同老人院有關係先得？」

她指「李生」當時解釋Ronny有健身，予人感覺好有活力，對老人院來說亦是一位合適的對象，對方繼而大談廣告內容，及如何拍攝，口吻予人感覺很熟運作。她稱「李生」又問有沒有相熟導演可以介紹，未幾又提到要買輪椅，表示希望他們可以代為購買，事後會過數給他們。Anna認為整件事太可疑，於是打去老人院一探究竟，沒料到對方聽到「李生」時，已經斬釘截鐵表示是騙案，並透露多次報警亦無補於是。