萬千星輝頒獎典禮2025︱張與辰有信心揮低炎明熹 籌備跨年個唱要食褪黑色素助眠
《萬千星輝頒獎典禮》今日公布入圍名單，今年5月才在《中年好聲音3》畢業的張與辰，憑劇集《藏海傳》的歌曲《日光之下》和《藏海》，入圍角逐「最佳電視歌曲」，他受訪時表示，非常有信心能夠奪得獎項，他說：「因為吸引力法則，只要相信得到，就會有呢個機會。」
談到炎明熹離巢TVB也有份角逐歌曲獎項，他直言：「我覺得冇乜嘢，最緊要首歌好聽。」他透露，現正積極為年底跨年演唱會作彩排，「今次演唱會表演跟過往演出有好大差別，就係多咗好多跳唱快歌環節。」
工作不斷的張與辰，又要宣傳新歌和排舞，自言近日精神有點緊張，導致晚上經常失眠，「有陣時需要食褪黑色素，以及保健食品，去舒緩緊張情緒，又或者用精油去放鬆腦袋，否則諗得太多嘢就會失控半夜發癲，之後就會瞓唔着。」他說有時候會刻意不看手機，以及禱告方式幫助入眠。
ADVERTISEMENT
周身骨痛？貼佢啦！送健之堂石墨烯艾草溫熱舒壓貼
