薛影儀打開心口接受去疤痕療程 《全民造星III》葉小妍否認係「損友2號」

「亞視永恆一姐」薛影儀，今年與經理人林寶玉鬧翻後卻被公司終止合約，兩人雙雙黯然離場，不過阿儀仍積極開工，近期孖住被封損友的黃榕一同出席活動。昨日，阿儀更「賣弄性感」，拍片公開去疤痕療程，自言已是第二次修復心口疤痕，見阿儀打開心口，難怪引起網民熱烈留言，對阿儀今次性感上陣議論紛紛。

12月23日，阿儀將與好友黃榕和葉小妍一同出席小型音樂派對《Yes Station Christmas Party》，曾參加《全民造星III》淪為笑話的葉小妍，對於被網民形容她是阿儀的「損友2號」，她近日出PO為自己澄清，她稱：「作為好姊妹都盡咗力介紹job，介紹啲人脈畀阿儀識，幫咗佢出yes card，唔好成日話我係損友2號啦。」當年葉小妍自言粉紅世界沒有戰爭沒有邪惡，以魔音再配上表演變結他pick慘被淘汰，她當時在鏡頭前喊住話唔想離開舞台，被卓韻芝勸一句「唔好啦」在網絡爆紅。