袁潔儀接受鍾慧冰的YouTube節目《冰姐的花樣人生》訪問。
現年58歲的袁潔儀在熱播的TVB 劇集《執法者們》中，飾演宣萱好姊妹Yan，劇內她向潘志文打毒針，演技亮麗獲網民激讚。日前，袁潔儀接受鍾慧冰的YouTube節目《冰姐的花樣人生》訪問，透露自己曾三度流產，並想過叫老公「搵二奶」。
袁潔儀 1989年參與《亞洲小姐競選》而入行，九十年代擔任亞視兒童節目《精靈一族》主持人，2009年離巢北上發展，曾任職武警，現定居內地。訪問中，袁潔儀提到與老公是「姊弟戀」，因擔心自己老了要對方照顧，所以一直未有結婚打算，「點知係天注定，我突然間有咗，老公話梗係生落嚟，咁我哋咪排期結婚，嗰陣我哋喺香港註冊，不過檢查嗰陣醫生話BB冇咗心跳，唔要得，但老公堅持繼續結婚。」
未幾，袁潔儀再懷第二胎，可惜一個月後發現同情情況。到第三胎時袁潔儀專心養胎，連檢測都沒有來香港，本順利度過三個月，最後卻驗出BB很大機會有唐氏綜合症，並需做流產手術。她憶起當年流產情況，非常傷痛，加上懷孕差不多四個月，要好似生仔般生出來，她說：「feel到啲羊水好似噴出嚟，咁咪諗係咪要好似隔離嗰個媽媽咁用力，我用咗一下就feel到有嘢出咗嚟，嗰陣我唔敢望，只係心諗『小朋友，我哋有緣再見喇。』」
怎料，袁潔儀不停出血：「嗰個主任話係膀胱撕裂，要即刻推上去做手術，原來係我太大力搞到撕裂咗，自此之後我呢個子宮嘅環境跌到好低谷，就算我再重新去調整，都唔可以再懷孕，本來老公堅持要我去調理，我心諗『不如你去搵二奶咪仲好』，但係最後我都冇講到出口。」她更吃得開的表示：「古代都係咁，我又相信我老公搵得一定係心地好。」而老公亦確實曾找過代孕，但最後因為工作繁忙加上費用高昂，打消了念頭。
袁潔儀亦重提當年在亞視與莫家堯的一段情，二人拍拖7年，她指莫家堯當年靚仔又後生，有不少「飛來蜢」，更曾搭上自己一位藝人好友，自己亦「忍讓」拖拉一年多，最後在情人節堅決分手：「嗰陣佢打電話約我去食飯，點知去到無端端約埋另一個女朋友，不過我已經唔識嬲，知道自己可以放得低。」
ADVERTISEMENT
20周年「全城撐本地消費3重大激賞」！ 即睇活動詳情！
