譚俊彥、朱敏瀚等，昨日出席《換命真相》的宣傳活動，問譚俊彥對視帝一獎有否信心，他說：「一直都係平常心看待獎項，我都坐咗5年啦。不過我每年都好努力攞張入張券，目的係增值自己，唔好俾人淘汰。」
談到他在《男神廚房》稱，初入行時被陳小春太太應采兒屈是「鹹豬手」，Do姐當時即場讚譚俊彥夠直、夠真，但網上反應不一，有人指他上新劇博宣傳，但亦有網民力撐。他說：「估唔到外界咁大反應，其實我講嘅時候冇諗清楚，加上發生件事嗰陣大家又細，依家咁大迴響，真係唔好意思。」譚俊彥稱已吸取教訓，並了解到講真話未必是一件好事。