Ad Block Ad Block
娛樂
2022-11-15 15:52:56

許廷鏗自資7位數搞跨年騷 用本地再造紙整衫影海報

分享:
許廷鏗宣布12月30日及31日在九展開騷。

許廷鏗宣布12月30日及31日在九展開騷。

許廷鏗(Alfred)自去年成立自家音樂廠牌「自許紀錄唱片有限公司」,今日他以老闆身份宣布自資舉辦個人演唱會《in the round ALFRED HUI 許廷鏗 LIVE 2022》,將於本年度12月30及31日假九龍灣國際展貿中心舉行。門票於本月24日在KKday優先訂票,KKBOX付費會員可於29日優先購買,而下月2日則在快達票公開發售,門票分$800及$600。 雖然暫時未能成功申請更大演出場地,但Alfred亦繼續不惜工本堅持開四面台,投資超過七位數字製作費,希望入場觀眾能近距離享受高質視聽體驗,以誠意報答一眾久等的樂迷。

許廷鏗近日在社交平台上載不同黑白照預告個唱。

許廷鏗近日在社交平台上載不同黑白照預告個唱。

許廷鏗身上的衣服是由本地品牌再造紙及蜂巢包裝紙製作。

許廷鏗身上的衣服是由本地品牌再造紙及蜂巢包裝紙製作。

Ad Block

讓大家見到不同的許廷鏗

Alfred近日上載數張黑白照預告開騷,而正式的演唱會海報於今日曝光。是次演唱會海報以本地品牌再造紙及蜂巢包裝紙製作服飾,遮掩半面的照片亦令演唱會主題帶點神秘感,Alfred不賣關子直認「今次演唱會大家見到嘅許廷鏗的確會同以往會唔同,係一個經歷疫情後蛻變咗嘅許廷鏗,一個真實而自由自在嘅獨立歌手,係一個我自己都好鍾意見到嘅許廷鏗,就好似張海報咁,眼神好堅定,我覺得入場睇嘅樂迷都會鍾意呢個我 。」

許廷鏗用本地品牌再造紙及蜂巢包裝紙製作是次海報服飾。

許廷鏗用本地品牌再造紙及蜂巢包裝紙製作是次海報服飾。

點解叫in the round?

今次演唱會名為《in the round ALFRED HUI 許廷鏗 LIVE 2022》,他解說︰「依家嘅我無咗大公司背景,咁樣反而多咗一啲新嘅樂迷。但對一啲十三年前開始追隨我嘅樂迷嚟講,我知道佢哋多少都會唔慣,所以都用呢兩年去同大家一齊成長。 其實in the round本身係形容其中一類雕塑,係指無依附背景、觀眾可以從四面八方都欣賞到嘅雕塑。真係好適合形容自己呢刻嘅狀態,正正就係希望入場嘅大家,可以用自己喜歡嘅角度去感受呢個無背景嘅許廷鏗,我都好期待自己嘅演出。」

許廷鏗自資7位數開騷。

許廷鏗自資7位數開騷。

凡事親力親為

日前接受網上平台「熊仔頭」訪問,因真性情而被主持及網民大讚,問Alfred成為獨立歌手後是否比較敢言,他一貫謙虛補充:「以前一直有好多公司同事幫手,好多事情都唔使自己處理,大家就難啲接觸到我本人。依家唔同啊!既係歌手又係老闆又係員工。自己開唱片公司,所有事情要親力親為,就連今次演唱會要申請臨時公眾娛樂場所牌照,都係我自己揸車去交㗎!大家真係要多多支持!」

Ad Block
許廷鏗希望入場觀眾能近距離享受高質視聽體驗。

許廷鏗希望入場觀眾能近距離享受高質視聽體驗。

許廷鏗現時既是歌手,又是老闆和員工,凡事都要親力親為。

許廷鏗現時既是歌手,又是老闆和員工,凡事都要親力親為。

請接受以下私隱政策及免責聲明,以示你同意am730內之私隱政策及免責聲明。了解更多
接受