江若琳(Elanne)和何雁詩(Stephanie) 今日（29日）出席 《2025年度新城勁爆頒獎典禮記者會》。（蘇文傑攝）
江若琳(Elanne)和何雁詩(Stephanie) 今日（29日）出席 《2025年度新城勁爆頒獎典禮記者會》，Stephanie配合大會主題以Halloween造型打扮示人，她接受訪問表示：「盡量配襯吓啲裝飾，因為都係Halloween主題，平時都會同小朋友出去，所以都會有啲服裝準備。」Elanne指過往並不會為Halloween節日打扮，不過現階段因為兒子要出席化妝舞會，所以要配合主題與老公齊參與。
Stephanie配合大會主題以Halloween造型打扮示人。（蘇文傑攝）
何雁詩指與Benz哥女兒很熟絡
提到許紹雄昨日（28日）離世的消息受到各界關注，Stephanie直言：「都覺得好突然，因為我本身同佢女兒許惠菁(Charmaine)都好熟，係好朋友，成日都會去佢哋屋企玩。嗰一日收到Charmaine電話都即刻趕過去見Benz哥，最唔捨得就係佢嘅笑容，好有親和力。」Stephanie表示會持續關心Benz哥的家人。被問到與Benz哥在醫院見面的感受，Stephanie直言不想多提及詳細內容，尊重死者。
Elanne指過往並不會為Halloween節日打扮。（蘇文傑攝）
江若琳指老公與Benz哥經常見面
Elanne則表示與Benz哥雖然沒有合作過，不過經常會見面。她憶述與Benz哥第一次見面是在新加坡，當時身處他女兒的餐廳而建立緣份，同時透露老公以前經常會與Benz哥一起吃生煎包。Elanne至今仍然感到相當難過，並表示：「我開演唱會，佢都有送花俾我，我真係都好難接受，唔夠膽開社交平台，見到Benz哥生前嘅片段，都係唔夠相信，佢係一個好開心嘅人，之前見佢都仲好健康，所以大家要記住佢留低俾我哋嘅快樂！」
