「試當真」主腦游學修、許賢和蘇致豪聯同Locker林家熙和陳苡臻(Ca姐)出席《試當真白金像獎》頒獎禮。(娛樂組攝)
由游學修、許賢和蘇致豪創辦的YouTube頻道「試當真」，自2020年10月26日成立至今，已錄得超過55萬訂閱，累積view數超過5億，然而3位主腦於今年4月愚人節當天宣布，將於五周年那天正式停運。為迎來這個特別日子，「試當真」昨晚(6日)中秋節於黃埔舉行第一屆亦是最後一屆的《試當真白金像獎》頒獎禮，筵開90席，並邀請各方好友出席紅地氈活動。
頒獎禮至淩晨接近1時結束，游學修在台上忍不住哽咽說︰「呢段時間有一個好美滿嘅旅程，你哋（指試當真員工）係我一生人嘅驕傲。唔使擔心我，休息完，我一定會返嚟，我要成為世界冠軍嘅人。」最後，他召喚眾人上台，分享最後感言，「20日之後，我哋就各散東西，但係我哋都係戇X的人，台上台下都係戇X嘅人，我哋唔想戇X嘅人愈來愈少，所以我哋要堅持落去，我哋要記住，我哋擁大家，無論之後我哋有公司冇公司，各散東西做咩都好，係咪做呢行都好，都係戇X嘅人，我哋要擁抱住其他戇X嘅人，我哋繼續戇X落去，好唔好，數三聲一齊試當真。」
蘇致豪：試當真是我的快樂年代
游學修、許賢和蘇致豪(豪哥)於紅地氈活動上受訪，游學修坦言，「其實都想有一個儀式同大家有個紀念同埋道別，要有個event先可見到大家聚一聚，好似頒獎禮係一個好好嘅契機，我哋5年有咁長嘅片單，搞個頒獎禮，每個獎揀5條片，都應該唔失禮，所以用頒獎禮形式舉行。」頒獎禮共頒發22個獎項，除了終身成就獎的梁顥晉(火柴)和楊芍茵(Yvonne)，其他獎項均經投票選出。最後，蘇致豪憑《冰島灘鼓龍》奪男主角獎，他表示，「由阿修話豪哥值得攞嘅時候，我就知我攞咗九成，所以我攞到呢個大家戲稱為『影帝」時，我想喺呢個moment講一些感受，而我嘅感受正如林夕填詞嘅作品「我的快樂時代」中寫得好清楚，呢5年係我在《試當真》嘅我的快樂時代，而呢個係結束嘅時候。」
游學修預告明年演舞台劇
尚有20日「試當真」正式停運，3人卻表示各有各忙，暫未有不捨情緒，豪哥自言忙於在網上睇片學習圍棋和玩poker入門，阿修和許賢則忙於為頻道拍攝試玩毛的《墨魚遊戲2》大結局，他們強調即使試當真結束，觀眾仍何在網上收看已上架的片，阿修表示，「暫時決定唔會收埋，只係唔再更新。」許賢就表示繼續搞足球直播，又笑言隨著AI演員冒起，「完美已經無乜意義，所以落返地睇波，香港波好多瑕疵，追求瑕疵。」阿修認真表示，會先作休息，下年將會為舞台劇排練。他自爆看完畢彼特主持的電影《F1》後開始沉迷賽車，不過就慨嘆無錢玩真賽車。
Locker「亂入」 足球聯誼
至於3位可會繼續有合作計劃時，阿修就回應：「暫時未有，大家都唞唞先，心身俱疲。」問到可擔心兄弟情變生疏，此時林家熙Locker突然亂入幫口，指大家可以靠踢波聯繫感情，大力推銷他做隊長的FC3球隊，又踢爆豪哥經常缺席，「佢一年先嚟9次，但我哋每星期都起碼踢2次！」
Threads一定鬧住交傾計
至於近日有網民在Threads批評試當真的《同囚易》質素大不如前，更有直斥「圍威喂」，游學修亦有留言直認「有少少圍威喂fans向」，他不認為是鬧交，「純粹有觀眾覺得唔啱睇，都好正常，Threads一定鬧住交傾計，有啲唔鍾意嘅聲音都合理，好少事。我留言係因為見到有啲觀眾好defensive，有啲人又鬧得唔合理，惡性循環，變相一直loop。」他笑言起初也擔心《同囚易》反應，3集岑珈其佔了七成，他補充說，「所以網民話唔好睇，我好明白，但都好明有人覺得好睇，因為我本人係覺得好好睇。」
《試當真白金像獎》頒獎禮得獎名單：
最佳女主角：陳穎欣《每天外你多一些：直至》倒瀉
最佳男主角：蘇致豪《冰島灘鼓龍》
最佳女配角：陳苡臻《美麗西世界》
最佳男配角：朱栢康《死侍應》
最佳電影：《葵興森林》
最佳攝影：梁顥晉《寫實的天能》
最佳編劇： 林衍朗 唐浩然 蘇致豪《大人棍》
最佳導演：盧嘉誼 蘇致豪《葵興森林》
最佳新演員：林家熙《 Channel 需要女》
最有前途花草：林子峰（Stone）
新晉導演： 吳兆麟《裝傻的Locker》
最佳搭膊頭：鍾雪瑩
唱歌表演：《少理阿爸去躝街》
最佳綜藝： 試玩毛《今際之國的有J》葵扇Q將軍 Game3
最佳廣告： 《外賣修澧賢》
最佳試音片：《赤壁之決戰聖誕》
最佳視覺效果：梁仲文 陳穎賢《我和殭屍有個誤會》
最佳動作設計：吳兆麟張立峰《我和殭屍有個誤會》
最佳美術指導：陳穎賢《葵興森林》
最佳剪接： 游學修《寫實的天能》
專業精神獎：楊芍茵（Yvonne）
最佳歌曲：MC SoHo & KidNey《係咁先啦》
終身成就獎：梁顥晉（火柴）
ADVERTISEMENT
