鄧兆尊被批女人愈多愈旺財。
鄧兆尊出席ViuTV全新玄學節目《點相》，一生衣食無憂，更有3位紅顏知己相陪的他，被批女人愈多、財運愈強，節目主持之一的玄學家皓云師傅，更指鄧兆尊可擁12個女友，但他稱自己無褔消受，又指能否有新女友，不是他揸主意，要經過「三讀通過」。
《點相》由皓云師傅、利君牙及小占主持，這集請來擁有3位豐滿女朋友的鄧兆尊，主持問他是否自小女人緣旺，他則自嘲說：「由細到大屋企嘅異性緣，都係女性話事多，都好明顯睇到啦。」師傅指，鄧兆尊一生可擁有12個女友，鄧兆尊則苦笑表示：「咁會短命。」利君牙即追問曾否經試過，他笑說：「無，係都唔喺度講。」
有得玩卻管束自己唔玩
小占問鄧兆尊如何應付3位女朋友，他風騷回答：「唔需要應付，係佢哋應付我，做人好簡單，只要睇化咗人生嘅時候，係冇嘢話唔得。你(小占)年齡就唔得，仲係貪玩，貪玩好難束縳得住自己，我呢個年齡想玩未必會去玩。」小占追問鄧兆尊會否想要更多女朋友，他續說：「女朋友唔係多就好，多都係得個煩字，師傅講得啱，我可以好多(女朋友)，不過要約束自己。」兆尊透露，屋企好民主，並稱：「可唔可以有新女朋友，唔係我揸主意，要經過『三讀通過』。」
(左起)小占、皓云師傅、鄧兆尊及利君牙。