Jessica打扮清涼兼晒長腿，Juliana則以低胸短裙示人。
廖慧儀(Jessica)、伍韻婷(Juliana)主持一共12集《趁而家去大馬偷食...譜！》，將於明晚播出，自命「地獄級」廚藝的Jessica，及自誇是「用鑊至強港姐」之一的Juliana，在大馬首個任務是偷椰漿飯食譜。
Jessica與Juliana均稱，用手食飯都是第一次。
Jessica與Juliana深明流量密碼與收視之道，一個低胸露腰曬長腿，另一個則以吊帶低胸短裙出動。她們先後光顧了擁有40多年歷史的啤律椰漿飯店，及主打炒椰漿飯配炸雞、炸蝦的「兩餸飯店」，其間更深入廚房重地偷師。當中最搞笑是自命鑊后的Juliana，因為手力不足，烹調失敗收場，就算Jessica出手協助亦未能挽回劣勢，令旁觀的大廚亦忍不住偷笑。
兩位女主持跟大廚兼店主偷師，先後拋鑊失敗，最後大廚出手埋尾。
另一特別位是Jessica及Juliana入鄉隨俗，直接用手食飯，Jessica事後笑言是其人生第一次，並大讚大馬食物多樣化又美味：「最難忘係食過比香港仲出色嘅叉燒同雲吞麵。」第二集二人會偷師學整肉骨茶，因而得知大馬肉骨茶原來分為乾濕兩種，更會親身試食箇中分別。除了深入廚房重地，兩位女主持更激罕以酒店睡衣look登場，為觀眾試食當地各式各樣宵夜，包括多款娘惹糕。
Jessica與Juliana激罕以睡衣look登場試食。
