蔣祖曼與黃智賢，想組情侶檔出埠登台掘金。
黃智賢(Ben)與蔣祖曼(Joeman)於《逆天奇案 2》是一對，幕前甜蜜溫馨，但 Joeman爆料，原來阿Ben每到半夜是開籠雀，她說：「阿Ben一日到黑，只要未埋位前就唱歌，表演慾非常強，有時拍到半夜突然傳來午夜歌聲，佢話可以令大家唔眼瞓，不過佢真係唱得好好聽，更俾我偷拍到佢，我成日都問佢幾時帶我去登台。」
蔣祖曼偷拍黃智賢偷閒練歌，被發現後他索性盡情大聲歌唱。
阿Ben亦有讚Joeman唱歌好聽，原本《逆天》首輯之後想一齊情侶檔登台，可惜遇上疫情，但機會留俾有準備的人，他指等機會再孖住一齊去唱歌。Joeman 即說：「我有好多首本名曲，隨時都可以配合，我都好想掘金呀。」阿Ben笑言：「我哋去到邊度都係好拍檔呀！」
張穎康未埋位前偷閒練習高爾夫球，拍劇最疏扶係佢。
至於全劇「最疏扶」主角，Ben與Joeman指非張穎康莫屬，他經常都偷閒練高爾夫球。張穎康笑說：「我這個精神病人，響監獄裡面，又不用化妝及梳頭，我等大家埋位有好多時間嘛，又對住成個草地，既然我車尾長期有兩枝高爾夫球棍，就利用一下時間練習啦，點知俾工作人員拍低咗視頻，話我真的似足精神病人，所以這個角色不用培養情緒，我一嚟就入戲。」