吳岱融昨日出席浴足按摩店開幕活動，他表示非常喜歡按摩，又指其老婆鍾淑慧更鼓勵他多到按摩店，玩「冰火」養生。提到《牛下女高音》能夠重見天日，可惜收視平平，吳岱融指能夠播出已經心滿意足。
鍾淑慧知道「冰火」都身體有益，鼓勵吳岱融多些去做。
吳岱融指，有時都會去踢波，做多些帶氧運動。
吳岱融指，不時都會去揼骨，更視為養生活動的一種，問到她太太會否不喜歡，怕誤會他去做不當行為，吳岱融說：「我老婆成日叫我去，我哋呢啲中佬要養生嘛。」他又自爆之前去過一些大型連鎖按摩店，都被人誤會過，吳岱融說：「我好正經㗎，裡面有個『三溫暖』係玩『冰火』，蒸熱成個人後，即刻跳入冷水，成身好似被針拮緊，唔係好多人跳到，不過我仲可以，老婆都叫我玩多啲，對身體好。」
望《牛下》收視成績理想
提到主演的劇集《牛下女高音》近日播出，吳岱融表示，「雖然收視唔係好突出，不過平平穩穩自己都好滿意，相信之後會有更多觀眾支持。」他又稱，「活動前我俾一位小朋友認出係《牛下》嘅主角，佢主動跑過來抱住我，當時非常感動。」
ADVERTISEMENT
20周年「全城撐本地消費3重大激賞」！ 即睇活動詳情！
