Ad Block Ad Block
娛樂
2023-05-09 15:49:00

陳嘉桓細佬陳肇恆疑拍拖期間偷食 女友上載情慾對話到IG Story

分享:
 

自稱陳黑嘅陳嘉桓細佬陳肇恆一直被網民視為「Playboy」,繼上年年尾被前女友連環截圖指控疑係恐怖情人,成為網民熱門討論人物後,近日佢疑似被現任女友發現喺拍拖期間偷食,更將佢同唔少女仔嘅情慾對話截圖,並上載到IG Story。

近日陳肇恆女友喺IG Story上載陳黑同唔少女仔嘅情慾對話截圖,指控男友疑似喺拍拖期間偷食,而當中受牽連嘅女性層面可以話係非常廣,由素人去到知名KOL都有,而當中仲有一段錄音,就係陳黑同KOL「布哥」講:「咁我約定你星期日,我嗰日唔約人㗎啦,我嗰日俾你㗎啦!」 ,除此之外,其他對話內容亦非常露骨。另外,從截圖中所見,陳黑亦有試過利用家姐作為藉口,瞞住女友同其他女仔去睇戲,亦有喺交友app利用貓及露營撩女仔;及背住女友不停同其它女仔講電話等等。

網民:幾時收徒弟

IG Story出街後,唔少網民都好似見怪不怪,仲留言話佢嘅對象一啲都唔差,例如「咁勁? D女唔差wo 黑sir可以學鬼王開班教食女」、「其實一睇就知個男仔周圍玩唔會定啦 比人哄到 玩厭左 係度呻」、「幾時收徒弟」及「佢真係好勁 食足咁多年」等等。

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受