Ad Block Ad Block
娛樂
2022-12-27 17:52:50

陳奕迅演唱會|Boxing Day清唱《浮誇》 肥仔high爆跟住跳 193唔敢企起身(有片)

分享:
Eason清唱《浮誇》。為觀眾送上boxing day大禮。

Eason清唱《浮誇》。為觀眾送上boxing day大禮。

陳奕迅(Eason)昨晚(Boxing Day)在紅館舉行《陳奕迅Fear and Dreams演唱會》第14在Talk位時終被觀眾熱情打動,僅以琴聲伴奏,近乎清唱《浮誇》,觀眾歡呼叫喊聲震撼紅館。

自嘲腳粗額闊

昨晚當Eason唱到第3首歌,觀眾已大叫他的名字,Eason趁機多謝父母為他改好名,又自爆前晚母親來睇騷,戴著黑超興奮跳舞。繼而他以自己作例子鼓勵大家,「我排舞時同dancers跳,佢哋叫我做啲動作,我覺得自己好核突,所以我排舞唔望鏡㗎,從來唔知自己跳成點,隻腳又粗額頭又闊,但既然我都做得,我鼓勵大家,一齊同我跳!記住!做任何事最緊要係有態度!記住! 唔好唔型、唔好俾韓國人型晒先得㗎!你睇我唱《浮誇》時,佢哋個啲樣……」然後扮目瞪口呆的樣子,全場即拍掌歡呼,並大叫Eason唱《浮誇》。

Eason收花後立即以消毒酒精噴手,笑言個台好貴,要做好防疫唱足25場。 觀眾賴皮不肯離場,Eason三度Encore後,以《沙龍》為演唱會作結。

Christmas Special大贈送

Eason笑道:「要有態度!但都係要低調……低調……哈哈。唱《浮誇》?條片係YouTube呀,隨時上去睇啦……唔得啦,我老啦。」不過觀眾不肯罷休,Eason搞笑稱:「其實我唱得好差,我咪嘴㗎成個騷。」觀眾繼續瘋狂大叫,終於打動到他,「好啦,好啦,老實講佢哋(樂隊)冇練㗎,有冇我隻CD,播出來俾我對嘴啦,算啦,既然你哋咁想聽,唉,Christmas Special唱幾句啦。聽日話你聽,冇喇吓,你班友!但係我依家唔唱,聽日點交待?個個拿住部電話喺度拍,一陣又話我唱錯,我聽日又俾人話啦,死啦,點交待!」接著樂隊以鋼琴伴奏,讓他清唱《浮誇》一小段,為觀眾送上boxing day大禮。

肥仔和193結伴睇騷,一個跳到high爆,另一個不敢企起身。 湯令山與女友Moon拍住拖睇騷。
Ad Block

3度Encore

來到安歌環節,Eason揀了《還有甚麼可以送給你》,觀眾又再賴皮不肯離場,終於叫了15分鐘之後,Eason再度出場送多首《沙龍》給大家,令這個聖誕每一位入場觀眾都滿載而歸。昨晚ERROR成員193(郭嘉駿)和肥仔(梁業)、周秀娜、湯令山及女友Moon等亦有來支持,肥仔興奮跟著Eason舞步狂跳,幾乎即場已學齊Eason《重口味》及《打得火熱》所有舞步。而193為免影響後排觀眾,不敢起身忍著於座位上印,有品又體貼。

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受