陳詩欣冰天雪地以三點式上陣
TVB《3日2夜》女神陳詩欣（Eunice）最近與老公陳爾正飛到芬蘭過新年兼度蜜月，更不時於社交網大曬靚相 ，她表示此行除了想睇到北極光外，亦會體驗芬蘭桑拿，繼日前Eunice 貼出焗完桑拿，在零下幾度的室外著住泳衣跑來跑去後，昨日(27日) 她再於冰天雪地下大晒性感三點式。
相中見Eunice 無懼寒冷天氣，在冰天雪地的戶外，以三點式上陣與老公浸浴，二人更恩愛咀咀，高調放閃，其中一張Eunice 坐在池邊，大騷白滑玉背，身材fit爆，相當性感，可惜Eunice 此行未能成功睇到北極光，最後只好問好姊妹余香凝借兩張極光相合成，達成願望，
她寫道：「各位！我睇到極光了！好多朋友都inbox我問最後有冇見到極光，這3天的玻璃屋之旅，的確見到很多星星，但就見不到北極光，畢竟見到北極光真的靠運氣，咁啱過去的幾天都是多雲，極光指數很低雖然最後都睇唔到，不多不少是有點失望，因為我呢幾日唔敢瞓，怕錯過了，不過唔緊要，我有余香凝送給我兩張p圖，有呢兩張相F F已好開心 #多謝jen在日本也幫我p圖 #下次再去過 #極光你等我」
