馬德鐘在《雙生陌生人》一人分飾多角。
由馬德鐘、陳煒和湯洛雯等主演的《雙生陌生人》今晚播出，馬德鐘在劇中一人分飾4角，搞到他思緒混亂。他說︰「對調咗身份仲要扮番自己，所以拍嗰陣成日要搞清楚自己有冇錯啦、有冇漏嘢啦，做出嚟觀眾接收係咪會清晰等，個思緒真係會亂，所以係有影響到啲腦神經嘅，我唔單止精神分裂咁簡單，直頭係失咗憶，完全唔記得呢套劇拍咗啲咩。」
袁鎮業當馬神2.0
馬神坦言對台前幕後均是挑戰：「我兩個角色好多同場，同埋好多身體接觸，所以要用比平時多三倍嘅時間去拍一個場口，仲要牽涉拍攝同轉妝。」他又坦言十分感激替身袁鎮業的付出：「佢係無臉英雄，佢真係好好，份人好冇所謂，照樣好投入去演呢個角色。同埋我設計角色時係想『巫祺男』瘦啲嘅，咁啱袁鎮業又比我瘦，咁我瘦番啲大家會似啲。」
