「氣質女神」雲浩影(Cloud)推出第三首派台歌《密切接觸者》,Cloud終能如願唱情歌,「愛情對於我係一件大事,但點解到第三首先唱情歌?因為我唔想自己咁沉迷。」向來形象溫柔可愛的Cloud,在MV中與男主角激動吵架,憤而為男友「打針」,務求對方聽聽話。粉絲對火爆冷酷的Cloud非常受落,MV上架不足4日已破21萬點擊。
交足戲 嚇親男主角
新歌MV充滿未來感,Cloud與MV中的男朋友Matthew戴著智能頸箍,開始時二人的頸箍都是藍色燈,代表「自我模式」,他們激動吵架,面紅耳赤,Cloud傷心痛哭,更一怒之下將男朋友的頸箍變成紅色燈「服從模式」,從此他不再駁咀,靜靜地陪她看書、淋花、食飯,而MV結局令人反思。在MV中,她與男主角Matthew放盡認真吵架,而且越吵越激烈,甚至掟東西,被對方笑指:「原來你都幾吵得,好到肉,令我一秒入戲。」Cloud哈哈大笑,說:「我平時唔會咁架,盡量控制自己情緒唔好咁波動!」吵架後緊接要拍一場Cloud為Matthew打針的場口,Cloud笑指對方嚇到腳震,她說:「雖然呢支針係道具,裏面係冬瓜茶,但佢好驚,因為我哋剛才拍完嗌交戲,而佢對我講咗啲好惡毒說話,佢驚我一時激動收唔到掣真係拮落佢度,哈哈!」
籲嗌交唔好掟嘢
Cloud認為,「每對情侶都有不同相處方式,有啲會成日嗌交、睇對方唔順眼、分手氹返又復合。正所謂相愛相殺,最緊要『就算嗌交都淨係同你嗌』,既轟烈又浪漫。」她和Matthew齊聲表示吵到非常疲倦「事前我哋都有傾過嘈乜嘢,有共識要成熟話題,可以發揮越嘈越勁,踢嘢和掟嘢都係劇情需要。現實中,我唔贊成真嗌交時掟嘢。」