《青春本我》紀念冊推出咗喇！
集合一眾《聲夢傳奇》學員及《盛‧舞者》參賽者的無綫全新青春劇《青春本我》，日前推出同名紀念冊，更引發搶購潮，不少網友在社交網「哭訴」一書難求：「我買唔到本書，冇晒貨，希望快啲買到啦」、「周圍都買唔到，加油，支持你們！」、「我好慘今日行咗九間都冇！」據知為了滿足一眾劇迷，劇組現正趕印第二版。
紀念冊內除了有大量靚靚劇照，還印製了專誠為劇集創作的歌曲的相關歌詞，當中最有心思的，是一眾演員的「心底話」，配以生活照、真學生Look及可愛到爆的童年照，內容既豐富又感人。一眾演員中，以炎明熹（Gigi）的心底話最為感人。
入面有好多劇照。
Chantel姚焯菲眼鏡Look。
炎明熹感慨時間太小
她親筆寫下的千字文感受不但偶爾流露「少女心」及「活潑面」，當中更真實地流露了對整個拍攝團隊的不捨情感，更坦言追逐夢想的旅途，讓她終於明白了時間的重要性：「在我小時常常抱怨時間為甚麼會過得這麼慢，時間好像用不完一樣，但是長大以後卻發現時間在偷偷地溜走，完全不夠用，想跟它說：『拜託不要走！』我想我已經找到了原因：因我找到了自己的目標。相信如果大家都找到了自己生命中覺得有意義的事情，大家便會明白和更有共鳴，而我的時間都用來做我覺得有意義的事—追尋我的夢想。在這旅程中，時間就像怎麼也不夠用一樣。」
炎明熹除了有搞笑面，亦有感性面。
Yumi鍾柔美學生相好靚女。
文凱婷為主題曲填詞
而文凱婷（Aeren）則於 收到紀念冊後在社交網上載開箱片，順道分享拍攝時的趣事。Aeren自爆是陰差陽錯下為《青春本我》主題曲填詞：「有一日大家約埋圍讀劇本，完咗之後見到Rock（何晉樂）同埋Archie（冼靖峰）喺另一間房開會，跟住我八卦問吓經理人，原來佢哋係開緊寫歌Meeting，之後就叫埋我一齊開會，誤打誤撞咁就加入咗呢個幕後創作團隊！」
Sherman潘靜文成長Look逐格睇。
Aeren收到紀念冊後即時拍開箱片