馮允謙(Jay Fung)將於7月舉行首次個人演唱會「馮允謙Have a JAY Time 2022 演唱會」，早前優先訂票火速售罄，飛債纏身的Jay既開心又頭痛，為了讓更多fans入場，當得知放寛表演場地入座率，Jay旋即宣布加推380元的樓座門票，「多啲人入到場睇我表演，令我更加開心，令全場氣氛更溫暖。」
完騷後報復式隊薯條
出道10周年的Jay夢想成真開個唱，更會首度挑戰四面台， 他透露已準備好歌單，不少重新編曲，所以要努力練歌背歌詞。他說：「仲要排舞、操弗身體、練好把聲，雖然好多嘢要忙，但我好開心，因為真係等咗10年嘅機會，希望大家嚟睇我個騷睇到好High！」為了保持最好身形、確保健康和有足夠體能應付，，Jay已乖乖戒口，他說：「平時最鍾意食煎炸嘢、打邊爐、食肥膩嘢，依家統統唔食得。為操肌要食好多蛋白質，食清淡啲。(完騷最想食乜？)我會報復式食嘢，狂食薯條，有間餐廳嘅薯條又甜又辣好正，仲要食幾個漢堡包！」演唱會門票於明天(11日)公開發售。
