《婚後事》主演羅子溢、陳自瑤、賴慰玲和黎諾懿擔任《Mayanne小喇叭》今集嘉賓。
清談節目《Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望(GM)擔任助理主持，今晚(21日)一集邀來《婚後事》主角羅子溢、陳自瑤(Yoyo)、賴慰玲(Winki)和黎諾懿擔任嘉賓，四位在節目中大談拍攝趣事及花絮。
講到黎諾懿親身上陣露股一幕，他大爆「神之籮柚」練成過程，更笑說：「我本身都真係咁fit，並冇特登去夾佢，我為咗呢場戲Keep住做深蹲！」黎諾懿更拋下豪語：「一係唔露，一露就應該去盡佢。」講到黎諾懿跟Winki的「鴛鴦戲水」場口，Winki笑言該場戲自己的心理狀態是「由頭驚到落尾」，並透露上身真空上陣、下身只穿一條短褲打底，皆因熱水累事，Winki說：「我纏咗好多膠紙，但我又話好驚凍，佢哋(工作人員)就幫我倒熱水落去，咁啲水咁熱啲膠紙咪溶咯，但又趕住喎，咁我咪就咁遮住(心口)咯。但因為我好驚走光，黎總就係咁幫我打泡遮住，佢拎住筲箕喺水底係咁chok啲泡出嚟！」搞鬼的黎諾懿即場重現當時動作，並笑言自己「連道具都撈得很好」。至於出名乜都夠膽問的Mayanne，詢問二人該場戲的違反人體力學動作是如何煉成的之餘，更拉着諾懿即場示範，畫面搞笑。
探討離婚對兒女影響
四人還討論了大量情景題，當中包括男女對精神出軌及肉體出軌的不同看法，更延伸討論至劇中Yoyo質問羅子溢「你同我上床嘅時候有冇諗起佢(第三者)」一幕，談到此幕，羅子溢搞笑引用網民回應：「使唔使開埋個腦畀你睇呀」，瞬即引發全場爆笑，黎諾懿更加入戰團與Yoyo及Winki進行正反辯論。此時羅子溢跳脫地反問：「我問你，男仔見到靚女，望一望諗吓，女人望到靚仔會唔會又諗吓？」面對諾懿與子溢連環發攻，Yoyo到底會如何應對？更搞笑的是，子溢在辯論期間將展示「見風轉舵」真功夫，成功將氣氛推向更高潮。之後四人再探討到父母離婚對小朋友的影響，子溢大拋金句說：「呢個問題好值得思考，覺得如果預期諗辦法去解決，咁不如一開始就唔好錯，結得婚就要對婚姻有承諾，做得爸爸媽媽就要盡父母責任。」Yoyo聞言回應：「唔係個個好似你咁㗎嘛！」
