2014年11月，葉劉淑儀在社交媒體上載與江旻憓合照
江旻憓係新一屆立法會嘅「話題人物」，行政會議召集人葉劉淑儀話留意到對方最近轉趨低調，相信好多人幫佢手，唔使佢提點。
葉劉接受傳媒訪問，被問到點睇江旻憓上年成為「Google熱搜話題人物」。葉劉回應：「佢好似近嚟盡量低調，睇佢個樣自己想擺脫呢啲話題，做個真正盡職嘅議員，我就冇乜機會同佢傾過偈。」被追問會唔會想同江旻憓見面傾吓偈，葉劉就話：「隨緣啦」，相信好多人幫手，唔使佢提點。
斷言一定不會參選特首
訪問中亦問到葉劉會唔會參選出年特首選舉，佢話考慮到年紀大，斷言一定唔會諗。佢仲話睇返林鄭月娥、李家超嘅特首工作好繁重，都好慶幸佢以前選唔到。
葉劉透露係2022年李家超出嚟參選，佢就唔再諗選特首，「我覺得啱啦唔再諗，年紀輕啲就啱嘅，李生同林太都比我年輕7年，7年體力上係有分別。」佢唔評論李家超嘅連任機會，不過大讚：「佢頭髮都仲咁黑，佢前面仲有咁多嘅頭髮，佢好好嘢。」
ADVERTISEMENT
請你去迪士尼樂園玩！登記攞飛！
