葉劉淑儀向師生分享求學及工作經歷。
新民黨主席葉劉淑儀擁有多個角色，原來佢最享受係做「姐姐」。葉劉解釋「做姐姐係面對成個社會，人人都係你嘅兄弟姊妹」。
葉劉近日去黃大仙區嘅李求恩紀念中學，向師生分享求學同工作經歷。佢回想大約20歲嗰陣，屋企突然失去經濟支柱，有長輩曾經勸佢「女仔唔使讀咁多書」。好彩葉劉冇放棄，而係咬緊牙關去教書賺取學費，先可以去英國深造。
被問最享受哪個角色
去到提問環節，一位女同學問葉劉曾經擔任公職、局長、議員等服務社會多年，而家畀大家親切咁稱呼「姐姐」，自己最享受邊個階段嘅角色。葉劉笑住答最鍾意做「姐姐」，因為佢喺政府工作幾十年，後尾擔任局長主要面對紀律部隊，形象比較嚴肅。經歷人生高低起伏之後，近年葉劉更樂意同年輕人分享自身經歷，形容「做姐姐係面對成個社會，人人都係你嘅兄弟姊妹」。
ADVERTISEMENT
