陳仲尼暴雨期間滑倒，後腦縫五針（陳芷晴攝）
立法會近排唔知係咪風水唔好，接連有「傷兵」。最新係民建聯議員陳仲尼受傷，佢喺周末暴雨期間，唔小心跣親，後腦要縫5針咁多啊！
陳仲尼今日負傷出席立法會大會，後腦痴住一塊紗布。原來佢喺周末落雨期間，同朋友喺南區遊走，突然唔小心跣親，後腦落地、頭皮流血。佢即刻入院檢查，由於可大可小，向立法會主席李慧琼請假缺席星期一嘅財經事務委員會會議，留醫一日觀察。好彩冇腦出血、頭暈或者作嘔，只係皮外傷縫咗5針。
陳仲尼指不相信風水
陳仲尼話而家唔掂傷口就唔痛，下星期要覆診。立法會議員陳克勤、邵家輝、陳家珮接連受傷，仲有陳紹雄急病入院。陳仲尼就話唔信風水，寄語大家保重身體。
ADVERTISEMENT
【👇送3M靜電空氣濾網體驗包4包👇】
