@fb 鄧炳強 Tang Ping Keung
維園尋日(3日)開始一連5日舉行「第四屆同鄉社團家鄉市集嘉年華」，而保安局局長鄧炳強今日亦到「尋找家鄉的味道」！佢喺FaceBook話，維園家鄉市集已經正式開鑼，佢除咗出席開幕禮，唔少得要去支持下市集嘅攤位。鄧炳強仲話喺場內見到好多老朋友，氣氛熱鬧又親切。
至於令到局長最開心嘅就係，「最開心係買到我大愛嘅東莞臘腸，仲即場品嚐咗上海蟹粉小籠包。」天氣炎熱，現場仲可以買雪條消暑，應有盡有。至於最後，鄧炳強亦都不忘去警隊「耆樂警訊」攤位支持同事啦。同時佢又呼籲，「家鄉市集一年一次，既有美味又有人情味，好值得大家嚟支持，感受大江南北嘅魅力。」
