全體立法會議員7月將到北京參加國家事務研修考察。(資料圖片／周令知攝)
立法會議員下個月19至25號會去北京參加國家事務研修考察，據議員透露，到時需要配戴統一款式嘅領呔，女議員就需要戴絲巾，有議員形容係微管理。
有議員向《am730》表示暫時未收到行程，但已知嘅係立法會行政管理委員會已經通過訂製統一款式嘅領呔，要求所有男議員到時佩戴。有議員形容好似返學被要求打「校呔」，覺得呢啲規矩係微管理。
預料需「閉環管理」
今次係立法會首次全體議員訪京，立法會主席李慧琼已經表明今次訪京性質嚴肅，需要遵守規矩，唔希望議員將要求講成「閉環管理」，議員估計到時唔可以擅自離團外出。
ADVERTISEMENT
【👇送小米智能家品新品👇】
