Ray Online｜消防處仿《牛來》製動畫宣傳讓路　網民爆笑：做得靚過原作！

近期內地動畫《牛來》因為啲畫風極度粗糙同埋劇情荒謬到爆，意外喺網上爆紅仲引嚟全城熱話，而香港消防處居然就食住依個熱度嚟宣傳讓路畀緊急車輛嘅資訊，認真搞笑！消防處Facebook專頁近期出咗一個以「請讓路予緊急車輛」Post，內容主要係提醒市民，緊急救援分秒必爭，「見到閃燈鳴笛嘅緊急車輛，無論騎牛、騎馬定係揸車都應該留意，安全情況下盡量讓路俾緊急車輛」。呼籲市民禮讓以守護生命。

不過，個Post最搞笑嘅位在於消防處製作咗一段小動畫。從中可見一個男子騎住同《牛來》主角一模一樣嘅牛為救護車讓路，雖然無模仿到《牛來》嗰種極度簡陋、宛如十年前手民之作嘅風格，但男子騎住嘅牛的確有住同「本尊」嘅神韻！