Ray Online｜陳穎欣被發布「招婚啟事」　當事人有回應

陳穎欣facebook專頁喺新一屆港姐誕生翌日，話有網民形容佢同倪樂琳似樣。(資料圖片／陳奕釗攝)

今屆立法會有17名女議員，未婚女議員更加少上加少。其中之一嘅工聯會陳穎欣因為咁被網民製作咗一張「招婚啟事」，仲列出三大條件。

網上流傳陳穎欣嘅「招婚啟事」，三大條件包括要係共產黨官二代、共產黨黨員、要有愛「中華人民共和國」之心。啟事仲歡迎有心人士附上個人簡介同相關證明。就此，陳穎欣向《am730》表示AI改製假圖成歪風，佢希望市民明辨真偽，唔好畀假消息誤導。

現階段集中「拼工作」

陳穎欣亦趁此多謝「有心人」關心，佢話作為女議員喺工作上確實唔容易，但暫時唔需要網民幫手「招親」。未來會一如既往做好自己、更好咁做好議會同地區工作、服務好市民。有知情人士透露陳穎欣已經有拍拖多年嘅男朋友，係政商二代、愛國愛港人士。消息人士仲形容男方係青年才俊、條件好、性格好、管接管送；仲話兩人感情生活方面好穩定，現階段集中「拼工作」。