早排韓國連日高溫熱爆標，快遞員喺咁嘅天氣下工作真係超辛苦，所以最近韓國就有市民貼心咁為快遞員準備貼心小驚喜。
上月25號，忠清南道扶餘郡某住宅嘅居民，為快遞司機提供冰水及零食。居民代表朴某就話：「今年夏天好似特別熱，從接受服務嘅立場出發，想向快遞司機提供幫助」朴某就話佢哋棟樓係新起，好多人搬入嚟，而快遞員同搬運人員就成日因為停車位而生摩擦。為解決天氣炎熱容易引發爭執嘅問題，朴某就建議
喺樓下兩個無人快遞機前面，擺放小型雪櫃，裡面放滿冰水同維他命飲料等。公寓居民都覺得呢個主意好好。
呢篇文章被上網後引起熱議，好多人大讚，但亦有人擔心如果有快遞員以外嘅其他人攞走點算？朴某就話暫時未有咁嘅情況發生，不過打算將呢個「愛心雪櫃」放到夏天結束爲止。
ADVERTISEMENT
立即更新 /下載AM730手機APP 體驗升級功能
