「華仁仔」歐陽萬成及李家超暢談校園趣聞
荷里活紅星歐陽萬成（Jimmy O. Yang）上個月喺紅館上演棟篤笑，場場爆滿。作為香港華仁書院舊生嘅Jimmy，最近仲同作為九龍華仁書院校友嘅行政長官李家超相聚。
三個「華仁仔」同場
Jimmy嘅經理人公司喺微博發文，話佢近排同舊同學、「一帶一路」專員何力治相聚，原來同場仲有第三個「華仁仔」，就係特首李家超，三個人一齊暢談校園往事同趣聞。
期間，李家超讚揚Jimmy嘅演出吸引各地觀眾，展現香港文化包容同活力。李家超亦提到隨住政府近年興建新嘅表演場地，並且提升現有嘅場地設施，加上優化表演場地嘅預訂政策同機制，相信可以吸引更多好似Jimmy咁嘅知名藝人喺香港演出，推動優質演藝活動，匯聚全球觀眾。
ADVERTISEMENT
20周年「全城撐本地消費3重大激賞」！ 即睇活動詳情！
