Ad Block Ad Block
本地
2023-06-02 12:00:00

am專題|免疫治療資助取決一項指標 3肺癌末期患者命運南轅北轍

分享:

雖同居於香港,但肺癌末期患者治療命運卻南轅北轍。(林俊源攝)

肺癌是本港癌症殺手第一位,免疫治療配合化療對不少末期患者來說是最佳治療,同時更可大大延長存活率。所謂的免疫治療,其實是利用人體自身的免疫系統去攻擊癌細胞。然而,目前按照機制,僅「PD-L1蛋白」水平生物標記高於50%的患者,可獲政府資助接受免疫治療;低過該指標的患者則需自行承擔逾百萬元費用,以完成長達兩年的療程。《am730》早前接觸3位肺癌患者或家屬,雖然同屬肺癌末期,但治療命運卻南轅北轍。

採訪:專題組

吳小姐的媽媽年約70歲,2020年11月忽然發病,確診時已屬第四期肺癌。惟其檢測「PD-L1蛋白」水平低於50%,未符政府關愛基金資助門檻,醫療費只能靠家人想辦法籌得。吳小姐日前接受《am730》電話訪問指,「因為唔符合資助資格,只可以自費做(免疫治療)。但佢一次治療就已經要6萬幾(元),仲要每3星期就要做一次。做咗幾個月之後,媽咪病情的確好咗,腫瘤細咗擴散都少咗。」

銀根短缺無力承擔高昂免疫治療費用

不過,因為銀根短缺,無力承擔,最後只可以放棄,轉返去公立醫院做化療。吳媽媽因肺癌擴散至腦部及脊骨等地方,最終不敵癌魔,於2022年2月撒手人寰。「以前以為香港醫療制度好先進,但原來『同病唔同命』。媽媽『PD-L1蛋白』唔過50%,只有47%,佢哋就閂水喉唔資助病人做免疫治療。」說罷,她哽咽指:「我只係一個普通文員,月入得萬幾蚊,我畀嘅已經係所有身家。我好內疚因為無錢,畀唔到媽媽做好嘅治療。醫生話,佢對免疫治療有正面反應,如果真係完成到2年嘅免疫治療加化療,話唔定唔駛咁快死......」

「PD-L1蛋白」低於指標的患者,無錢固然難獲「救命」治療。然而,PD-L1蛋白水平即使達「滿分」患者,求醫過程亦殊不容易。鍾先生指,2021年7月父親節與爸爸慶祝時發現其突然暴瘦,經身體檢查後,發現肺部有大黑影,身體各處亦有擴散跡象,同屬第四期肺癌。幸得其父「PD-L1蛋白」水平達標,故可接受關愛基金資助進行免疫治療,但在公立醫院求診路上仍荊棘滿途。

電腦掃描排期兩年「死8次先到」

鍾先生指出,確診初期,公立醫生只替爸爸照X光進行確認,醫生指,如進行較清晰的電腦掃描,則要排期兩年。他甚為無奈指,「肺癌末期患者存活期平均都係得3個月,如果真係要咁排的話,死8次先到我哋。」與爸爸感情甚篤的鍾先生,為免延誤病情,盡力安排其父於公立醫院及私家醫生兩邊一同治療。而2021年9月開始進行免疫治療及化療期間,鍾父肺部腫瘤的確大幅縮小,擴散範圍亦同樣收窄。豈料,踏入免疫治療第9個月,鍾父皮膚卻因出現潰爛出水等副作用而被迫叫停,只能以化療代替。「公立醫院話反應大唔做得,轉介咗我哋去衛生署皮膚科度做治療先。之後爸爸皮膚逐漸好轉,但公立都『企硬』唔做。去到最後,連衛生署個皮膚科醫生都忍唔住寫信畀返公立,話皮膚問題已經可以控制,但肺癌係會致命,叫佢哋可以重新再進行療程,咁佢哋先話考慮。」

救父心切的鍾生指,公院醫護向他提及,即使重啟免疫治療,亦只能安排每6至7個星期打一針,而非標準的3至4星期。至於劑量亦只能安排200毫升,而非適合其父身體重量的130毫升。「最後嘈咗好耐,先話安排4至5星期打一針,至於劑量都話盡量調較。」鍾先生指,目前最壞打算,是自費在外替爸爸進行免疫治療,「每年要額外130萬左右,但如果都仲係傾唔掂,我自己當埋副身家都會醫爸爸。」

免疫治療到底對肺癌末期患者有多重要?透過蕭先生的例子,便可窺一二。蕭先生現年67歲,他於2014年得悉自己患上肺癌第四期,頓覺晴天霹靂,而當時其「PD-L1蛋白」水平亦不到50%。在朋友的建議下隨即果斷自費進行免疫治療,至2016年完成免疫療程後,病情一直十分穩定,完全看不出患病痕跡。他笑言,「依家仲要定期做治療,但完全影響唔到生活。我依家去行山飲茶,最緊要係心情開朗。」

專科醫生:免疫治療唔代表對低分患者無用

臨床腫瘤科專科醫生潘智文指,肺癌早期病徵不明顯,不少患者確診時已屆中、晚期,治療安排上相對較多顧慮,採用何種治療與先後次序,亦要經醫生仔細評估再作安排,不能一概而論。而近年所發展出的免疫治療,已成為美國等地的標準治療,為末期患者帶來新希望,「要強調嘅一點係,免疫治療其實對於『PD-L1蛋白』水平0%至100%嘅末期肺癌患者,都會有效果。當然,愈高分數嘅患者,成效同整體存活率有機會係愈大,中位數平均可以存活2至3年;整體達到4至5年。但唔代表對低分患者無用,蕭先生正正就係低分,但經過混合治療可以存活至今嘅例子。所以癌末患者知道患病唔好沮喪,亦唔好放棄,因為仲有得醫。」

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受