日本人氣角色Chiikawa(吉伊卡哇)熱潮席捲全港。有網民日前在一輛運載竹棚的藍色貨車，發現車頭前方放有一隻「兔兔」角色大型公仔，在社交平台發帖稱好奇問「點解好多貨車都會吊啲公仔係(喺)車出面」。不少網民之前原來都遇過同一輛貨車，紛紛貼出在不同地方、以不同角度拍攝的照片，有人更大讚「超得意」、「兔兔保佑出入平安」。
▼不同網民捕獲有Chiikawa公仔的貨車▼
網民：開工見到嘅人心情都好啲
有網民就在帖文解釋，竹棚車或垃圾車等貨車司機不代表沒有童真，若在工作期間拾獲公仔但又未至於乾淨得可領回家中，「不如綁喺車度，開工見到自己或者其他一齊做嘢嘅人心情都好啲。」亦有人指出，司機有機會見公仔完好便執走它，「一嚟可以防撞緩衝，二嚟覺得以後跟佢工作好過去堆填，三嚟其他人見到都唔會太唔鐘(鍾)意部車」，情況在很多地方的重型車輛都會出現。
此外，有留言貼出大型公仔在其他地方出現的場景，例如有工人在竹棚擺放公仔提醒途人，「搭好棚都放一個讓人出入注意頭頂」，亦有人重提之前有垃圾車在兩側放滿各種款式和大小的公仔。另一邊廂，有人認為此舉能方便司機識認，「架架貨車都差唔多，放在(隻)公仔就離遠都搵到部車」，以及覺得是一種意頭，「好少見掛公仔會出交通意外。揸車見到公仔冇咁火」、「將棄置嘅公仔變為吉祥物」。
▼「CHIIKAWA DAYS」特展在尖沙咀舉行▼
▼黃雨紅雨黑雨▼
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
