MIRROR紅館演唱會大型屏幕墮下意外，事發至今106日，跨部門工作調查小組今日(11日)交代調查結果。當中提及到藝能工程交付康文署之文件涉及虛報重量，而且數字相差非常大。除LED屏幕、吊燈支架、雷射燈，當中最誇張莫過於喇叭組件12,240磅，申報1,600磅，相差逾7倍。調查結果出爐後，不少有份在MIRROR演唱會演出的舞蹈員在社交網爆seed，大鬧制度有問題。
舞蹈員Saiter在IG限時動態上載帖文炮轟制度有問題。
舞蹈員Saiter：睇演唱會等於賭命
舞蹈員Saiter在IG限時動態上載帖文炮轟：「吊上天嘅機械，每一件都比起實際申報嘅少幾倍，最重嘅音響實際12xxx磅，申報係1xx8磅，申報少左7倍幾，呢一舊嘢就正正係觀眾席頭上，如果一路以來呢個行業都係咁樣做嘢，即係原來睇演唱會嘅代價，都有機會係『死』，所有場館入面嘅人都玩緊俄羅斯輪盤，呢件意外既然發生咗，如果之後都無制度上嘅改變，咁樣即係大家繼續賭命，往後嘅舞台工作者繼續搵命搏，真係越知越心寒。」
而其中一位受傷的舞蹈員阿峯則轉貼虛報重量的報告，並謂：「紅館做過咁多演唱會，有咁多數據資料點解批個個覺得無問題？定係咁多年都係咁？」