民眾在山東淄博網紅燒烤店牧羊村品嚐烤肉。（中新社資料圖片）
山東淄博有一條街全街都賣串燒食物，因經濟實惠名揚全國，成為中國旅遊業「網紅」新景點，更帶旺山東省旅遊業。行政長官李家超今日（30日）係第二屆魯港經濟合作洽談會視像致辭，讚賞山東「淄博燒烤」全國風行，香港有唔少政商界朋友都留意到呢股風潮，為刺激香港夜間消費市場帶來好多新靈感。
魯港「拼船出海」互利共贏
李家超又指，香港經濟已全面復常，社會昂首闊步邁上由治及興新征程，一國兩制下香港擁有優良法治傳統、市場化同國際化既營商環境、同世界接軌既監管制度、多元化金融產品及服務、資訊和資金自由流通。魯港兩地有充分條件拼船出海，互利共贏，創造全新發展機遇。
李家超指，國家不斷推進高水平對外開放，邁向高質量發展，同時大力推動綠色轉型。港府會繼續善用香港所長，服務國家所需，佢期待同山東攜手合作，貢獻國家的高質量發展。
