Lester(右)已經喺獄中第三年過生日，太太(左)希望佢可以盡快出返嚟。(岑敖暉FB圖片)
前區議員岑敖暉(Lester)因為民主派「35+初選」案，被控違反《港區國安法》而被還柙。佢太太喺Lester嘅facebook專頁話，Lester今日(11日)喺獄中渡過第三個生日，又希望丈夫可以盡快出返嚟與家人團聚。
佢太太喺帖文提到，Lester以前成日苦笑話「由27歲坐到30歲」，估唔到今日之後就真係30歲喇。太太希望Lester可以快啲出嚟，一齊切生日蛋糕、聖誕節一齊布置聖誕樹、情人節可以親手送花畀愛人、母親節父親節同父母同枱食餐飯等。
